"ПСВ" "Милан" ярим ҳимоячиси Шарл де Кетеларе билан шартнома имзолашда қийналади.
Голландия клуби "ПСЖ"га қайтиши керак бўлган Хави Симонсни йўқотиш арафасида ва 22 ёшли бельгиялик футболчини унинг ўрнини тўлдириш учун асосий вариант сифатида кўрмоқда.
Calciomercato хабарига кўра, де Кетеларе эйндховенликларнинг барча талабларига жавоб беради, аммо ҳужумкор ярим ҳимоячининг нархи бунга тўсиқ бўлиши мумкин.
"Милан" футболчини сотишдан камида 30 миллион евро ишлаб олишни мақсад қилган ва бундай нарх "ПСВ"га мос келмаслиги мумкин.
Мумкин бўлган сценарий - бу сотиб олиш шарти билан ижара, аммо "россонерилар" уни тўлиқ сотишни афзал кўради.
