Лондоннинг "Арсенал" клуби собиқ бош мураббийи Арсен Венгер жамоанинг истиқболлари ҳақида ўз фикрлари билан ўртоқлашди.
Жорий трансфер ойнасида “канонирлар” таркибни Кай Хаверц, Юрриен Тимбер ва Деклан Райс билан кучайтириб, ҳар учала янги футболчи учун жами 225 миллион евродан кўпроқ тўлашди.
"Арсенал" жуда тажрибали, аммо ҳали ҳам ёш футболчиларга сармоя киритишда яхши иш қилди. Улар 23-24 ёшда, уларни ҳали футболда кўп йиллари олдинда. Ўтган мавсумдан кейин "Арсенал"да босим кўпроқ бўлади, аммо жамоа бу билан шуғулланиши керак. Биз Премьер-лигада ғалаба қозонамиз, менда бу борада шубҳа йўқ", - дея афсонавий франциялик мутахассиснинг сўзларини келтиради журналист Альфредо Педулла.
