"Челси" қизиқиш билдираётган "Брайтон" ярим ҳимоячиси Мойсес Кайседо Америка сафари давомида жамоага қўшилади. Бу ҳақда журналист Энди Нейлор хабар бермоқда.
Манбага кўра, "Челси" 21 ёшли эквадорлик футболчининг трансфери бўйича келишувни тезроқ якунлаш учун фаолроқ музокаралар бошлашни режалаштирмоқда. Қайд этилишича, бунгача клублар ўртасидаги алоқалар жуда секин ривожланган ва асосий шахслар музокараларда камдан-кам қатнашган.
Олдинроқ Лондон клуби "Брайтон" футболчиси учун бонусларни ҳисобга олмаганда 80 миллион евро таклиф қилмоқчи экани хабар қилинганди.
Кайседо ўтган мавсумда "Брайтон" таркибида 43 та ўйинда майдонга тушиб, 1 та гол ва битта голли узатмани амалга оширган. Transfermarkt портали Эквадор терма жамоаси футболчисини 75 миллион еврога баҳолади.
