Жорий ёзги трансфер ойнасида "Атлетико Мадрид" ярим ҳимоя марказига битта ўйинчи олишни режалаштирмоқда. Бу ҳақда инсайдер Николо Скира хабар бермоқда.
Манба берган хабарга кўра, "матрасчилар" бош мураббийи Диего Симеоне ўз жамоасида майдон марказини кучайтириш учун икки асосий даъвогар ҳақида қарор қабул қилган.
Қайд этилишича, “Атлетико” “Тоттенхэм”нинг 27 ёшли ярим ҳимоячиси Пьер-Эмил Гейбьерг ва “Фиорентина”нинг 26 ёшли таянч ярим ҳимоячиси Софьян Амрабатни сотиб олиш устида ишламоқда.
Аввалроқ Гейбьерг Чемпионлар лигаси борлиги сабабли "Атлетико"га ўтишга тайёрлиги ҳақида хабар берилганди.
