"ПСЖ" спорт маслаҳатчиси Луиш Кампуш "Манчестер Сити" билан ўйинчи алмашишга ҳаракат қилди. Бу ҳақда Foot Mercato нашри хабар бермоқда.
"ПСЖ" раҳбарлари "шаҳарликлар" ярим ҳимоячиси Бернарду Силванинг трансфери борасида "Манчестер Сити" билан музокаралар олиб бораётгани маълум бўлди. Кампуш парижликлар дарвозабони Жанлуижи Доннарумма ва ярим ҳимоячи Марко Верраттини шартномага қўшишни хоҳлади, аммо "Манчестер Сити" раҳбарлари буни рад этишди.
Силва ўтган мавсумда "шаҳарликлар" сафида Премьер-лигада 34 та ўйинда майдонга тушиб, 4 та гол урди ва 5 та голли узатмани амалга оширди.
