Украина футбол ассоциацияси (УФА) УЕФА ва ФИФАга мактуб йўллади. Уларда ташкилот Россия футбол иттифоқини (РФИ) УЕФА ва ФИФАдан чиқариш имкониятини кўриб чиқишни сўрамоқда.

УФА ўз позициясини РФИ Европа ва Жаҳон бошқарув органлари талабларига жавоб бермаслиги билан асослайди. Украина "Севастополь" ва Ялтанинг "Рубин" клублари Россиянинг учинчи ўриндаги футбол дивизионида илк ўйинларини ўтказганидан норози.

Аввалроқ УЕФА Қрим клубларига Россия футбол иттифоқи томонидан ўтказиладиган турнирларда ўйнаш тақиқланганини эслатиб ўтганди. Тегишли қарор тўққиз йил олдин қабул қилинган.

Эслатиб ўтамиз, 2022 йил бошида Россия футболи санцияларга дуч келган эди. РПЛ клублари ҳозир еврокубокларда ўйнамайди, терма жамоалар эса расмий ўйинларда қатнашмайди.