Москванинг "Спартак" клуби ҳамон "Сассуоло" ҳимоячиси Рожерио да Силвага қизиқиш билдирмоқда. Журналист Фабрицио Романога маълум қилишича, футболчининг ўзи фаолиятини "Спартак"да давом эттирмоқчи.
Шу билан бирга, Италия клуби Рожериони йўқотишни истамаяпти. "Сассуоло" бразилиялик футболчи билан янги шартнома бўйича музокара олиб боришни кутмоқда.
Ўтган мавсумда 25 ёшли жанубий америкалик футболчи Италия чемпионатининг 36 учрашувида иштирок этган. Ҳимоячи ўз ҳисобига учта голли узатма ёздириб қўйди. Да Силва бешта сариқ карточка олди ва бир марта майдондан четлатилди.
