"ПСЖ" Японияга уюштирадиган турнедан 20 миллион евро ишлаб топади, бу ўтган йилгидан 8 миллион еврога кўп. Бу ҳақда L'Equipe нашри хабар бермоқда.
Парижликлар Японияда учта ўртоқлик ўйини ўтказади: 25 июлда "Ал-Наср" билан, 28 июлда "Серезо Осака" билан ва 1 августда "Интер" билан.
Дастлаб "ПСЖ" бу ёзда АҚШ бўйлаб турне уюштирмоқчи эди. Бироқ, японлар таклифнинг молиявий қисмини эълон қилганидан кейин режалар ўзгарди.
Янги турне парижликлар учун энг фойдали турнелардан бири бўлади. Бундан ташқари, агар клуб Францияга қайтишдан олдин Жанубий Кореяда тўхтаса, катта бонус қўшилиши мумкин.
