Килиан Мбаппенинг "ПСЖ" билан амалдаги шартномаси 2024 йилнинг июнь ойи охиригача амал қилади. Футболчи шартномани узайтиришни режалаштирмаётганини, аммо кейинги мавсумни Парижда ўтказмоқчи эканлигини эълон қилишга муваффақ бўлди.
Бунга жавобан парижликлар ҳужумчига ультиматум қўйди - у шартномани янгилайди ёки шу ёзда кетади. Парижда улар Мбаппени бир йилдан кейин эркин агент сифатида тарк этиш вариантига рухсат беришмаяпти.
Мбаппе ва "ПСЖ" ўртасидаги муносабатлар боши берк кўчада, бироқ томонлар келиша олади.
Mundo Deportivo нашрининг хабар беришича, футболчи 2025 йилнинг июни охиригача ҳисобланган янги шартнома имзолаши мумкин. Шу билан бирга, томонлар "ПСЖ" Килианни бир йилдан сўнг "Реал"га қўйиб юбориши ҳақида келишиб олишлари мумкин.
"Реал Мадрид" ҳозирда вазиятни кузатиб бормоқда.
