Ўзбек тили - сўзга бой тил. Халқимиз теран кенг маънога эга бўлган фикрларни қисқа жумлаларга келтириб мақол тарзда фойдаланишади. Ўзбек халқ мақоллари ҳаётимизнинг турли жабҳаларида қўлланилади. Яқинда ижтимоий тармоқлардан бирида халқ мақолларимизни сал ўзгартириб футболга мутаносиблаштирилганини ўқиб қолдим.
Ушбу мақоллардан бир нечтасини сиз мухлислар билан ҳам баҳам кўришни жоиз деб билдим. Мақолларнинг ҳаммаси ҳам "ўхшамаган" бўлса-да, айримлари кайфиятингизни кўтаришига ишонамиз.
1. Оғзи қийшиқ бўлса ҳам, ютган жамоанинг мухлиси гапирсин.
2. Бўлинганни “Барселона” ейди, айрилганни “Арсенал”. (Вариант: Бўлинганни “Бунёдкор” ейди, айрилганни “Андижон”)
3. Тўпурар тўпурарни кўрса, оёғи қичийди.
4. Бир балоси бўлмаса, майдонда баклашка на қилур?
5. Билса - офсайд, билмаса - гол.
6. Бир бўлим минг бўлиммас.
7. Бир голни ўн бир киши бўлишибди.
8. Бир мавсумга жамоа ўлмас, иккинчи мавсумга ҳомий чидамас.
9. Бир ҳакамнинг ҳийласи қирқ жамоага юк бўлур.
10. Бир футболчи гол урса, қирқ футболчи туш кўрармиш.
11. Оёғи оғримаганнинг пенальти тепишига қара.
12. Ҳакамни йўқласанг, карточкаси кўринади.
13. Ёпиқлик дарвоза ёпиқлигича қолсин.
14. Очкони кузда санайдилар.
15. Карнайчидан битта “пуф”, реферидан битта “чуyр”.
16. Тўпнинг югургани дарвозагача.
17. Легионер бўлмагунча, футболчи бўлолмайсан.
18. Футболчи бўлиш осон, тўпурар бўлиш қийин.
19. Бошингга бутса келса ҳам тўғри теп.
20. Голни гол қиладиган ҳам ҳакам, гоҳида пул қиладиган ҳам ҳакам.
21. Голинг ҳалол бўлса, майдон ташқарисида нишонла.
22. Дарвозабон кўзини сузмаса, ҳужумчи гол урмайди.
23. Бир ҳужумчига ҳам гол керак, ҳам пас керак.
24. ПФЛ бир қўли билан стадионни тебратар, иккинчиси билан турнир жадвалини.
25. Бош омон бўлса, гол урилади.
26. Футболчининг ўйнагиси келмаса, ҳакам билан тортишади.
27. Кўп гап - футболчига карточка.
28. Тўп изидан қайтмайди, ҳакам сўзидан.
29. Гол бўлмаса, дарвоза тўрлари қимирламайди.
30. Мухлисли стадион - бозор, муҳлиссиз стадион - мозор.
31. Гол урмаганни ургани қурсин.
32. Рақибга ачинган чемпион бўлолмайди.
33. Тактиканинг отини қўрқоқ қўйманг.
34. Гол эгасини топади.
Бу мақолларни тинимсиз давом эттиришимиз мумкин. Сизнинг ҳам хаёлингизга шунга ўхшаш фикрлар бўлса, марҳамат бизга етказинг, биз яна қайтариб ўзингизга етказамиз!
Олим Толипов
