"Вулверхэмптон" Бундеслиганинг "Боруссия Мёнхенгладбах" клуби билан Швейцария терма жамоаси ҳимоячиси Нико Эльведининг трансфери борасида музокаралар олиб бормоқда. Бу ҳақда The Athletic хабар беради.
26 ёшли спортчининг шартнома муддати тугаяпти ва нашрнинг ёзишича, футболчи уни узайтиришни истамайди. Бир муддат аввал швейцариялик ёзда Мёнхенгладбахни тарк этиши хабар қилинганди.
Футболчига аввалроқ Англия ва Италия жамоалари қизиқиш билдираётган эди, энди эса битта жамоа фаворитга айланди.
Натан Коллинзни "Брентфорд"га сотганидан кейин ўзлари учун янги ҳимоячи излаётган "бўрилар" айни дамда Эльведи билан музокаралар олиб бормоқда.
Трансфер нархи 11 миллион еврога етиши мумкин.
