"Vulverxempton" Bundesliganing "Borussiya Myonxengladbax" klubi bilan Shveysariya terma jamoasi himoyachisi Niko Elvedining transferi borasida muzokaralar olib bormoqda. Bu haqda The Athletic xabar beradi.
26 yoshli sportchining shartnoma muddati tugayapti va nashrning yozishicha, futbolchi uni uzaytirishni istamaydi. Bir muddat avval shveysariyalik yozda Myonxengladbaxni tark etishi xabar qilingandi.
Futbolchiga avvalroq Angliya va Italiya jamoalari qiziqish bildirayotgan edi, endi esa bitta jamoa favoritga aylandi.
Natan Kollinzni "Brentford"ga sotganidan keyin o‘zlari uchun yangi himoyachi izlayotgan "bo‘rilar" ayni damda Elvedi bilan muzokaralar olib bormoqda.
Transfer narxi 11 million yevroga yetishi mumkin.