"Ал-Аҳли" "Ньюкасл" вингери Аллан Сен-Максимен учун таклиф билан чиқди.
L'Equipe хабарига кўра, Саудия клуби 26 ёшли француз учун 25 миллион евро таклиф қилган. Футболчининг ўзи янги шартномага кўра йилига 12 миллион евро ишлаб олиши мумкин.
Сен-Максиминнинг "қарғалар" билан шартномаси 2026 йилнинг ёзига қадар амал қилади. У 2019 йилда 18 миллион евро эвазига "Ницца"дан "Ньюкасл"га ўтганди. Ўтган мавсумда у клуб сафида 31 та ўйинда майдонга тушиб, 1 та гол урди ва 5 та голга ассистентлик қилди.