"Борнмут" ҳужумчиси Эли Жуниор Крупи оёғидан жарроҳлик амалиётини ўтказди ва уч-тўрт ой давомида майдонга туша олмаслиги кутилмоқда. Бу ҳақда The Athletic нашри хабар бермоқда.
20 ёшли футболчи "Борнмут"нинг Австрияга мавсумолди сафари пайтида жароҳат олди ва даволаниш учун Англияга қайтди.
Жарроҳлик амалиёти чоршанба куни бўлиб ўтди. Унинг октябрь ёки ноябргача сафга қайтиши эҳтимоли кам.
Крупи бу ёзда бир қатор клублар, жумладан, "Арсенал", "Барселона", "Тоттенхем", "Бавария", "Челси" ва "Манчестер Сити" қизиқиш билдираётганди.
