Франциянинг "Лорьян" жамоаси "Манчестер Сити"нинг собиқ ҳимоячиси Бенжамин Менди билан шартнома имзолаганини эълон қилди.
Шартнома 2 йилга тузилган. Молиявий шартлар ошкор этилмаган.
1 июль куни Менди эркин агентга айланди. Унинг "Манчестер Сити" билан шартномаси якунига етди.
14 июнь куни Честер суди уни зўрлаш ва бошқа зўрлашга уриниш бўйича айбсиз деб топди. Шу тариқа франциялик футболчига қўйилган барча айбловлар олиб ташланди.
29 ёшли футболчи охирги марта 2021 йилнинг 15 август куни расмий ўйинда майдонга тушган. Кейин айбловлар туфайли у "Манчестер Сити"дан четлатилганди.
