"Бавария" дарвозабон Янн Зоммер билан хайрлашишга шошилмаяпти.
34 ёшли футболчи "Интер"нинг трансфер мақсадлари рўйхатига киритилган, бироқ "нерадзуррилар" ҳали келишувга эриша олишмаган. Sky Sport хабарига кўра, "Бавария" Зоммерни Мануэл Нойер жароҳатини тўлиқ даволамагунча бошқа жамоага қўйиб юбормоқчи эмас, бу унинг ўтган мавсумнинг иккинчи ярмини бутунлай ўтказиб юборишига сабаб бўлган. Шунингдек, швейцариялик дарвозабонни 6 миллион еврога сотиб олиш имконини берувчи банд ўз аҳамиятини йўқотгани – унинг амал қилиш муддати якунлангани қайд этилган.
Эслатиб ўтамиз, "Интер" Янн Зоммерни "Манчестер Юнайтед"га ўтган Андре Онанга ўринбосар сифатида кўриб чиқмоқда.