"Манчестер Юнайтед" чап қанот ҳимоячиси Алекс Теллеснинг "Ан-Наср"га ўтиши барбод бўлиш арафасида.
Инсайдер Фабрицио Романо ўзининг подкастида сўзларига кўра, инглиз гранди раҳбарияти 30 ёшли футболчини сотишга оғзаки розилик берган, бироқ Саудия клуби ўз фикрини ўзгартирган. Риёдликлар ҳимоянинг чап томонини кучайтиришнинг бошқа вариантларини ўрганишга қарор қилди, шунинг учун бразилиялик билан келишув музлатилди.
Алекс Теллеснинг "Манчестер Юнайтед" билан шартномаси 2023/24 йилги мавсум охиригача амал қилади. Ўтган мавсумда латерал Испаниянинг "Севилья" клубида ижара асосида ўйнаган.
Transfermarkt портали экспертлари Теллеснинг ҳозирги нархини 7,5 миллион еврога баҳоламоқда.
