"Челси" ҳужумчиси Ромелу Лукаку "Интер" билан музокараларни қайта бошлашга ҳаракат қилди.
Манбага кўра, "Ювентус" билан музокаралар мураккаблиги туфайли Лукаку "Интер" билан вариантга қайтишга қарор қилган, аммо Милан клуби футболчи билан музокара қилишдан бош тортган. "Интер" бошқа ўйинчилар - "Арсенал"дан Фоларин Балогун ва "Атлетико Мадрид"дан Альваро Мората билан музокара ўтказмоқчи.
Лукаку ўтган мавсумда "Интер"да ижара асосида ўйнаганди. Бельгиялик футболчи “нерадзуррилар” сафида барча мусобақаларда 37 та ўйин ўтказиб, 14 та гол ва 7 та голли узатмага муаллифлик қилган.
