Ўзбекистон миллий терма жамоаси ва Беларуснинг “Энергетик-БГУ” клуби марказий ҳимоячиси Абдуқодир Ҳусанов фаолиятини “Ланс”да давом эттиради, деб хабар беради L'Equipe.
19 ёшли футболчи аллақачон виза олган ва тез орада Франция жамоасига ўтади.
Хусанов фаолиятини “Бунёдкор”да бошлаган, 2022 йилнинг баҳорида эса Беларус чемпионатига ўтган. У "Энергетик-БГУ" сафида 37 та ўйин ўтказиб, 4 та гол урди ва 4 та голли узатмани амалга оширди. У миллий терма жамоамиз сафида 3 та ўйин ўтказган.