"Ливерпуль" бош мураббийи Юрген Клопп Германия терма жамоасини бошқаришни исташини тан олди.
“Германия терма жамоасида ишлаш мен учун катта шараф бўларди. Бунга ягона тўсиқ - бу менинг фидойилигим, чунки мен "Ливерпуль"ни тарк эта олмайман ва шунчаки Германия терма жамоасига кетяпман деб айта олмайман. Агар мен бу ишни қабул қилсам, бунга тайёр бўлишим керак. Аммо, ҳозир бу мумкин эмас", - дея Клоппнинг сўзларини келтиради Билд.
Эслатиб ўтамиз, Германия терма жамоасининг амалдаги мураббийи Ханс-Дитер Флик аввалроқ ишдан бўшатилиши ҳақида хабарлар тарқалганди.
