"Челси" бош мураббийи Маурисио Почеттино мавсумолди машғулотларида ярим ҳимоячи Андрей Сантосдан ҳайратда қолди. Журналист Низар Кинселла хабарига кўра, аргентиналик мутахассис бразилияликни кейинги мавсумда асосий таркибда қолдиришни ўйламоқда.
Эслатиб ўтамиз, Сантосга аввалроқ футболчини бир мавсумга ижарага олмоқчи бўлган "Порту" фаол қизиқиш билдирган эди. Бироқ, "Челси" ўйлаш учун вақт сўради. Манбага кўра, энди Андрей “аристократлар” лагерида қолишга яқин турибди.
Сантос қишда "Васко да Гама"дан "Челси"га кўчиб ўтди, аммо Буюк Британияда ишлаш учун рухсат ололмагани учун Бразилияда ижара асосида қолди.
