Миланнинг "Интер" клуби тезда янги дарвозабон сотиб олмоқчи.
Аввалроқ Мюнхеннинг “Бавария” клуби футболчиси Янн Зоммер миланликлар учун биринчи рақамли номзод ҳисобланган эди, бироқ ҳозир келишув хавф остида бўлиб турибди.
La Gazzetta dello Sport хабарига кўра, якшанба кунига қадар "Бавария" Зоммернинг трансферига рози бўлмаса, Милан клуби бошқа вариантларга ўтади.
Янн шартнома шартларига кўра "Интер" билан келишувга эга. Швейцариялик футболчи "Бавария"дан уни тезроқ қўйиб юборишни сўрамоқда.
Эслатиб ўтамиз, "Интер" яқинда ўзининг асосий дарвозабони Андре Онанани "Манчестер Юнайтед"га сотиб юборган эди. Яна бир дарвозабон Самир Ханданович эркин агент сифатида кетди.
