Шимолий Ирландиянинг “Гленторан” ва Мальтанинг “Гзира” жамоалари Конференциялар лигаси саралашида ўзаро баҳс олиб борди. Катта эҳтимол билан бу жамоалар йилнинг энг драматик учрашувни тақдим этишди.

Мальтадаги биринчи ўйин 2:2 ҳисобидаги дуранг билан якунланган эди. Иккинчи учрашув бошида “Гленторан” пенальтини голга айлантира олмади, танаффусдан кейин эса гол ўтказиб юборди. "Гзира" 90+13-дақиқагача олдинда бораётган бўлса-да, мезбонлардан гол ўтказиб юборди. Ўйин қўшимча вақтлардан кейин пенальтилар сериясига ўтди, бунда ҳар икки жамоа жами 28 та зарбани амалга оширди: улардан 27 таси голга айлантирилди.

Энг ажойиб эпизод "Гзира" футболчиси Закари Скеррининг 27-зарбасида содир бўлди: "Гленторан" дарвозабони Аарон Маккари уни қайтаришга муваффақ бўлди ва уни нишонлаш учун югуриб чиқди ва тўпни унутиб қўйди.

Якунда пенальтилар серияси “Гзира” фойдасига ҳал бўлди. Шу тариқа, мальталиклар биринчи ва иккинчи ўйинларда ҳисобда олдинда бўлишди, аммо 28-зарбада фақат пенальтилар сериясида ғалабани қўлга киритишди.