Кеча ЎФФ биносида олий ва биринчи лига клубларининг захира тайёрлов гуруҳлари ўртасидаги мусобақанинг финал босқичига (кичик ёшлилар ўртасида) қуръа ташлаш маросими бўлиб ўтди.

Ҳар доимгидек бу сафар ҳам ушбу мусобақанинг финал босқичида жами 16та жамоа қатнашади. 1996-1997 йилларда туғилган футболчилар ўртасидаги баҳслар 12 ноябрдан Қарши шаҳрида старт олса, 1998-1999 йилда туғилган футболчилар ўртасидаги баҳслар эса бугун пойтахтимизда бошланади.

Қуръа қоидаларига биноан 8та жамоа тўрттадан икки гуруҳга бўлинди. «А» гуруҳидаги баҳслар фақат Чиғатойдаги сунъий майдонда, «В» гуруҳидан ўрин олган учрашувлар эса Чилонзордаги сунъий майдонда бўлиб ўтишига келишиб олинди. Шунингдек, мусобақанинг ҳал қилувчи финал ўйини ҳам Чилонзорда ўтказиладиган бўлди. Ҳасан Рўзиев турнирнинг бош ҳаками вазифасини бажарса, Гали Имомов ҳар бир учрашувга назоратчи тайинлаш билан машғул бўлади. Қуйида қуръа натижалари ва ўйинлар жадвалини келтириб ўтамиз.

«А» гуруҳи: «Андижон», «Нефтчи», «Машъал», «Насаф».
1-тур. 6 ноябрь.
«Андижон» - «Насаф»
«Нефтчи» - «Машъал»
2-тур. 7 ноябрь
«Андижон» - «Нефтчи»
«Насаф» - «Машъал»
3-тур. 8 ноябрь
«Машъал» - «Андижон»
«Нефтчи» - «Насаф»

«В» гуруҳи: «Металлург», «Бухоро», «Пахтакор», «Бунёдкор».
1-тур. 6 ноябрь
«Металлург» - «Бунёдкор»
«Бухоро» - «Пахтакор»
2-тур. 7 ноябрь
«Металлург» - «Бухоро»
«Бунёдкор» - «Пахтакор»
3-тур. 8 ноябрь
«Пахтакор» - «Металлург»
«Бухоро» - «Бунёдкор»

Плей-офф учрашувлари. 10 ноябрь
«А-3» - «В-3»
«А-4» - «В-4»
«А-1» - «В-2»
«В-1» - «А-2»

3-ўрин учун баҳс. 12 ноябрь
ФИНАЛ. 12 ноябрь