"Ливерпуль" ва "Барселона"нинг собиқ ҳужумчиси, ҳозирда "Гремио" жамоасида ўйнайётган Луис Суарес "Интер Майами"нинг трансфер мақсади ҳисобланади.
Инсайдер Гастон Эдуль хабарига кўра, Майами клуби раҳбарияти Бразилия томони билан тажрибали уругвайлик футболчининг трансфери бўйича музокараларга киришган. Суареснинг ўзи билан америкаликлар аллақачон шартнома тафсилотларини келишиб олишган.
Луиснинг "Гремио" билан шартномаси 2024 йилгача мўлжалланган. Унинг ҳозирги трансфер қиймати 4 миллион еврога баҳоланмоқда.
Жорий мавсумда уругвайлик футболчи Бразилия чемпионатида 12 та ўйин ўтказиб, 4 та гол ва 3 та голли узатмани амалга оширган.
