Олий лига 24-турининг қолдирилган ўйини — "Шўртан" - "Бунёдкор" учрашув тақдири ўйин бошида пенальтидан урилган гол орқали ҳал бўлди.

Ўйин бошидан "Бунёдкор" ҳужумга отланди ва 2-дақиқада ғузорликлар Жавлон Иброҳимовга нисбатан ўз жарима майдончалари ичида ўйин қоидасини бузишди. Бундан 3 кун аввал ОФК кубоги финалини бошқариб борган Валентин Коваленко пенальти белгилади. Стандарт вазиятни Баҳодир Пардаев голга айлантирди ва мавсумдаги учинчи голини киритди.

Ўйиннинг қолган дақиқаларида жамоалар очиқ футбол намойиш қилишди, бироқ дарвозани ишғол қилиш ҳеч бир жамоага насиб қилмади.

Натижада "Бунёдкор" "Пахтакор" билан орадаги фарқни яна 2 очкогача қисқартирди ва чемпионлик масаласи сўнгги турда ҳал бўладиган кўринади.

ОЛИЙ ЛИГА. 24-ТУР
"ШЎРТАН" - "БУНЁДКОР"
Голлар: Баҳодир Пардаев (3-пенальти)
Огоҳлантиришлар: Патрик Агбо (10), Фарҳод Тожиев (72) — Жавлон Иброҳимов (38), Лутфулла Тўраев (81)
“Шўртан”: Александр Корнейчук, Ярослав Крушелницкий, Ҳамза Каримов, Вячеслав Пономарёв (Аббос Омонов 83), Александр Мерзляков, Вадим Афонин, Таина Адама Соро, Патрик Агбо (Фарҳод Тожиев 46), Ботир Қодирқулов (Ботир Қодирқулов 76), Игорь Таран, Лазиз Убайдуллаев.
"Бунёдкор": Игнатий Нестеров, Акмал Шораҳмедов, Хайрулла Каримов, Жавлон Иброҳимов, Илҳом Шомуродов (Камолиддин Мурзоев 82), Шавкат Саломов (Жасур Ҳасанов 77), Лутфулла Тўраев, Артём Филипосян, Виктор Карпенко (сардор), Баҳодир Пардаев (Дилшод Жўраев 90+1), Руслан Мельзиддинов
Ҳакамлар: В.Коваленко, Р.Ильясов, М.Саидқосимов, Н.Болтаев