“Астон Вилла” “Байер”дан франциялик вингер Мусса Диабининг трансфери бўйича барча масалаларни ҳал қилди ва у билан 5 йиллик шартнома имзолади. Бу ҳақда Англия Премьер-лигаси вакиллари матбуот хизмати хабар берди.
Малилик футболчи 24 ёшда. У бирмингемликларга 50 миллионга тушди, бундан ташқари, турли бонуслар ҳисобига трансфер суммаси яна 10 миллионга ошиши мумкин.
Олдинроқ ярим ҳимоячи "Ан-Наср"га ўтишдан бош тортгани ҳақида хабар берилганди. Эътиборлиси, бу келишув футболчининг олдинги шартномаси шартларига кўра "ПСЖ"ни 10 миллион еврога бойитади.
"Байер"да Диаби 172 та ўйин ўтказиб, 49 та гол урган ва 48 марта жамоадошларига ассистентлик қилган.
