Мюнхеннинг "Бавария" клуби "Тоттенхэм" ҳужумчиси Харри Кейн билан музокаралар олиб бормоқда, дея хабар бермоқда Bayern & Germany нашри.
Манбанинг маълум қилишича, Германия чемпиони 29 ёшли футболчи учун узоқ муддатли шартнома тайёрлаб қўйган. "Бавария" Кейнга йилига 20 миллион евро маош билан 2028 йилгача шартнома таклиф қилишга тайёр.
Олдинроқ мюнхенликлар топ-клуби Кейнни сотиб олиш учун тахминан 100 миллион евро ажратишга тайёрлиги хабар қилинганди.
Ўтган мавсумда ҳужумчи 38 та ўйинда майдонга тушди. Гарри 30 гол (бештаси пенальтидан) ва учта голли узатмани амалга оширди.
