"Челси" ҳужумчиси Николас Жексон келаси мавсумдаги умидлари билан ўртоқлашди.
22 ёшли сенегаллик футболчи бу ёзда "Вильярреал"дан "Челси"га ўтган эди. Унинг инглиз клуби билан шартномаси 2031 йилгача мўлжалланган.
"Бу ёш жамоа, лекин мен собиқ клубимда ёш футболчилар билан ўйнашга ўрганиб қолганман. Мураббий бизга ишонганида, биз доимо яхши натижа кўрсатганмиз, бу ерда ҳам шундай бўлади. Мен жуда хурсандман ва биз ажойиб ишларни қиламиз" - деди Жексон.
2022/23 йилги мавсумда Жексон "Вильярреал" сафида 38 та ўйинда майдонга тушиб, 13 та гол урди ва 5 та голли узатмани амалга оширди.
