Аргентиналик ҳужумчи Лионель Месси, собиқ англиялик футболчи Давид Бекхэм ва машҳур америкалик актриса Женна Ортега Аdidas компаниясининг 2023-йилги аёллар ўртасидаги жаҳон чемпионати рекламасида суратга тушди.
Аёллар ўртасидаги ЖЧ-2023 20 июлдан 20 августгача бўлиб ўтади. Турнирнинг амалдаги ғолиби 2019-йилги финал ўйинида Нидерландия терма жамоасини мағлуб этган АҚШ терма жамоаси ҳисобланади.
АҚШ терма жамоаси аёллар ўртасидаги жаҳон чемпионатида энг кўп ғалаба қозониш бўйича рекордчи ҳисобланади. Жамоа тўртта совринни қўлга киритди. Бу кўрсаткич бўйича иккинчи ўринда иккита ғалабага эришган Германия терма жамоаси бормоқда. Норвегия ва Япония терма жамоалари биттадан чемпионликни қўлга киритди.
