"Вулверхэмптон" ҳужумчиси Рауль Хименес фаолиятини "Фулхэм"да давом эттириши мумкин. Бу ҳақда журналист Фабрицио Романо хабар бермоқда.

Манба берган хабарга кўра, айни дамда Лондон клуби 2018 йилдан буён Англияда тўп тепаётган 32 ёшли мексикалик футболчининг трансфери бўйича музокаралар олиб бормоқда. Эслатиб ўтамиз, аввалроқ Хименес "Бенфика" ва "Атлетико Мадрид" клублари шарафини ҳимоя қилганди.

Хименеснинг "Вулверхэмптон" билан амалдаги шартномаси 2024 йилнинг ёзига қадар тузилган. Transfermarkt Мексика терма жамоаси футболчисини 6 миллион еврога баҳоламоқда.