"Байер"нинг ҳужумкор ярим ҳимоячиси Мусса Диаби ўтган шанба куни расман "Астон Вилла" Бирмингемга ўтди. Нуфузли Transfermarkt портали маълумотларига кўра, у "виллаликлар" тарихидаги энг қиммат футболчига айланган.
Инглиз клуби футболчи учун 50 миллион евро тўлаган. Бу ўтган йилгидан 12 миллионга кўп, ўшанда "Астон Вилла" "Норвич"га Эмилиано Буэндия учун 38 миллион тўлаган эди.
Учинчи ўринда икки йил аввал харид қилинган Олли Уоткинснинг трансфери турибди - бирмингемликлар англиялик ҳужумчи учун 34 миллион евро тўлашди.
Эслатиб ўтамиз, ўтган мавсум якунларига кўра "Астон Вилла" АПЛда еттинчи ўринни эгаллади ва кейинги мавсумда еврокубокларда иштирок этадиган бўлди.
