"Бавария" ярим ҳимоячиси Жамол Мусиала мухлислар томонидан 2022/23 йилги мавсумда жамоанинг энг яхши футболчиси деб топилди, деб хабар беради клуб сайти.
20 ёшли ярим ҳимоячи учун 46 мухлис овоз берди. Мукофотга, шунингдек, 28,3 фоиз овоз тўплаган Маттейс де Лигт ва 8,2 фоиз овоз олган Томас Мюллер ҳам даъвогарлик қилган.
Мусиала ўтган мавсумда барча турнирларда 47 та ўйинда майдонга тушиб, 16 та гол урди ва 16 та голли узатмани амалга оширди.
У "Бавария" таркибида жами 125 ўйин ўтказиб, 31 та гол урди ва 23 та голли узатмани амалга оширди.
