"Интер Майами" ҳужумчиси Лионель Месси "Олтин тўп" учун баҳсда яққол фаворит саналмоқда.
36 ёшли ҳужумчи Аргентина терма жамоаси таркибида Қатарда бўлиб ўтган жаҳон чемпионати ғолибига айланди, шунингдек, турнирнинг энг яхши футболчиси сифатида эътироф этилди. Бундан ташқари, "Интер"нинг янги футболчиси ўтган мавсумда "ПСЖ"га яна бир Лига 1 чемпиони бўлишига ёрдам берди. Испания нашрларининг ёзишича, экспертлар Мессининг “Олтин тўп”ни қўлга киритиш эҳтимолини 75 фоизга баҳоламоқда. Аргентиналик футболчи “Манчестер Сити” билан треблга эришган ва Чемпионлар лигаси ва Премьер-лигада энг яхши тўпурарга айланган Эрлинг Холанддан анча олдинда.
