"ПСЖ" "Реал"га шошилиш учун клубларнинг Килиан Мбаппега қизиқиши ҳақида миш-мишларни тарқатмоқда.
Журналист Ромен Беддукнинг ёзишича, "ПСЖ" "Реал"дан таклиф кутмоқда.
Франция клуби мадридликларни Мбаппе бўйича тезроқ парижликлар раҳбариятига мос келадиган таклиф билан чиқишга мажбурлаш мақсадида ҳужумчига турли жамоаларнинг қизиқиши ҳақида атайлаб маълумот тарқатмоқда.
Аввалроқ, Мбаппега "Ал-Ҳилол" ва "Барселона"дан қизиқиш борлиги ҳақида хабарлар тарқалган эди.
Ўз навбатида, "Реал" Мбаппе ва унинг атрофидагилар билан тўғридан-тўғри музокара олиб бориш ниятида эмас. 2022 йилнинг ёзида трансфер бузилгани учун клуб энди ҳужумчига ишонмайди. Келаси ёзда клуб ҳам франциялик футболчининг атрофидагилар билан музокара олиб бориш ниятида эмас.
Эслатиб ўтамиз, "ПСЖ" Мбаппени 2024 йилда текинга қўйиб юбормаслик учун шу ёзда сотишга тайёр, чунки ҳужумчи шартномани узайтиришдан бош тортмоқда. Килиан жамоа билан Японияга ёзги турнега бормади.
