«Барселона» клуби собиқ бош мураббийи Хосеп Гвардиоланинг агенти саналган Хосе Мария Оробитг мижозининг «Милан»ни бошқариши мумкинлиги борасида хабарларга шарҳ бериб ўтди.

«Гвардиола Миланга борди? Буни сизга ким айтди? Гвардиоланинг ишларини бажарадиган агенти бор. Кейинги йилда барчаси ҳал бўлади. Мен «Милан» вице-президенти Адриано Галлиани билан гаплашдим. Биз дўстона суҳбат олиб бордик. Кейинги йил нима воқеалар бўлишини ким билaди дейсиз?»

«Милан» худди «Челси» ва «Манчестеp Сити» каби Гвардиолага танлов учун жамоалардан бири бўлиб турибди. У таклифларни қабул қилмоқда ва уларни диққат билан ўрганиб чиқмоқда. Аммо Гвардиола бу мавсумда бирор-бир жамоада ишламайди. Бу ҳақда фақат июнь ойларидагина гапириш мумкин», дея Оробитгнинг сўзларидан иқтибос келтирмоқда испан радиоларидан бири.