35 ёшли испаниялик ярим ҳимоячи Педро Родригес Римнинг "Лацио" клуби билан янги шартнома имзолади. У 2023/24 йилги мавсум якунига қадар мўлжалланган, дея хабар бермоқда "бургутлар" матбуот хизмати.
Эслатиб ўтамиз, Педро фаолиятининг сўнгги икки йилида "Лацио"да ўйнади. У Рим клуби сафида жами 87 та ўйин ўтказиб, 17 марта гол урган ва 11 марта голли узатмани амалга оширган.
Испаниялик футболчи "Барселона" тарбияланувчиси бўлиб, “кўк-анорранглилар”дан ташқари Лондоннинг “Челси” ва Римнинг “Рома” каби клубларида ҳам ўйнаган.
"Лацио" кейинги мавсумда Чемпионлар лигасида ўйнайди, чунки клуб ўтган мавсум охирида А Серияда иккинчи ўринни эгаллаган эди.
