"Барселона" ярим ҳимоячиси Франк Кессье фаолиятини Англия Премьер-лигасида давом эттириши мумкин.

Каталония клуби молиявий аҳволини яхшилаш мақсадида камдан-кам ҳолларда асосий таркибга кирувчи 26 ёшли футболчи билан хайрлашишга тайёр.

Журналист Экрем Конурнинг ёзишича, “Вулверхэмптон” Кессьега даъвогарлар рўйхатига қўшилган, улар аллақачон ивуарлик билан шартнома имзолаш имкониятини ўрганишни бошлаган. Аввалроқ, ярим ҳимоячининг "Ювентус" клубига ўтиши ҳақида маълумотлар пайдо бўлганди.

Transfermarkt портали Френк Кессьенинг трансфер нархи 25 миллион еврога баҳоламоқда. Футболчининг "Барселона" билан амалдаги шартномаси 2026 йилда якунига етади.