Ҳужумчи Альваро Мората кейинги мавсумда "Атлетико"да қолиши мумкин.
"Матрасчилар" бош мураббийи Диего Симеоненинг шахсан ўзи форвард хизматларига қизиқиш билдирмоқда. Инсайдер Николо Скиранинг сўзларига кўра, мураббий аллақачон раҳбариятга сўров юборган.
Аввалроқ матбуотда Мората Италия чемпионатига ўтиши мумкинлиги ҳақида хабарлар тарқалганди. Ҳужумчи хизматларига пойтахтнинг “Рома” клуби қизиқиш билдирмоқда. "Бўрилар" Альварони 2023/2024 йилги мавсум охиригача ижарага олмоқчи эди.
Сўнгги мавсумда ҳужумчи "матрасчилар" сафида 45 та ўйин ўтказиб, 15 та гол ва 3 та голли узатмани амалга оширган.
