Франциянинг "Монпелье" клуби "Челси"нинг ҳужумчи Элье Ваи бўйича биринчи таклифини рад этди. Бу ҳақда L’Equipe нашри хабар бермоқда. Лондон клуби 20 ёшли футболчи учун 27,5 миллион евро таклиф қилган.
Шу билан бирга, "Монпелье"нинг кейинги музокаралар учун очиқлиги қайд этилган. Очиғи, "паладинлар" ўз футболчиси учун молиявий жиҳатдан жозибадорроқ таклифни кутишмоқда. Ваининг ўзи Лондоннинг топ-клубига ўтишни хоҳлайди.
Тransfermarkt портали Элье Ваини 35 миллион еврога баҳоламоқда. "Монпелье"нинг асосий жамоаси таркибида ҳужумчи 91 та ўйин ўтказиб, 32 та гол урган.
