"Манчестер Юнайтед"нинг ивуарлик марказий ҳимоячиси Эрик Байи Криштиану Роналдунинг жамоадоши бўлишга ва Саудия Арабистонининг "Ан-Наср" клубига ўтишга яқин турибди.
Saudi Sport нашри хабарига кўра, клуб ва футболчининг томонлари музокараларда олдинга силжишган.
Эслатиб ўтамиз, 29 ёшли Байи 2016 йилнинг ёзида "манкунианликлар" футболчисига айланганди. "Қизил иблислар" сафида 113 та ўйин ўтказиб, битта гол урди ва битта голли узатма берди. Ўтган мавсумни "Марсел"да ижарада ўтказди.
Ҳимоячининг "МЮ" билан амалдаги шартномаси тугашига атиги бир йил қолди.
