"Рома" ҳужумчиси Стефан Эль-Шаарави келаси мавсумдан умидлари билан ўртоқлашди.
Шу ойда 30 ёшли футболчи "Рома" билан 2025 йилнинг июнь ойи охиригача мўлжалланган янги шартнома имзолади.
"Ҳозир бизнинг асосий вазифамиз - дастлабки расмий ўйинларга имкон қадар яхши тайёргарлик кўриш. Бу мавсумда биз Европа мусобақаларида ҳам, ички майдонда ҳам муваффақият қозонишни истаймиз, аммо бу осон бўлмаслигини тушунамиз. Мавсум олди ишлари яхши ўтмоқда, биз тўлиқ фидойилик билан ишлаяпмиз”, - деди Эль-Шаарави “Рома”нинг расмий каналига берган интервьюсида.
А Сериянинг янги мавсумини Жозе Моуриньо шогирдлари 20 август куни сафарда "Салернитана"га қарши баҳс билан бошлашади.