"Бавария" бош мураббийи Томас Тухель ҳимоячилар Альфонсо Дэвис ва Рафаэль Геррейру ўртасидаги рақобат ҳақида ўз фикрлари билан ўртоқлашди.
“Геррейру Дэвисдан фарқли ўйинчи. Альфонсонинг ўйини майдондаги тезлик ва динамика орқали намоён бўлади. Биз учун у ўзига ишонган бўлиши муҳим. Мен бу футболчидан жуда мамнунман", - дея мутахассиснинг сўзларини келтиради Мюнхен гиганти матбуот хизмати.
Эслатиб ўтамиз, Дэвис "Бавария"да 2019 йилдан бери ўйнаб келмоқда. Геррейру ўз навбатида жорий трансфер ойнасида "Бавария" сафига қўшилди. Унинг аввалги клуби Дортмунднинг "Боруссия"си эди.
