Европа футбол ассоциациялари иттифоқи (УEФА) “Ювентус”ни 2023/24-йилги мавсум учун еврокубоклардаги иштирокини тўхтатди ва клубни жаримага тортди.

Текширув натижаларига кўра, клуб молиявий назорат органи бўлмиш Турин махсус ташкилотининг меъёрий қоидаларини ва 2022 йилнинг августида имзоланган келишув битими шартларини бузган.

Шу муносабат билан “бьянконерилар” бир йилга еврокубоклардан четлаштирилди ва 20 миллион евро жаримага тортилди.

Бу суммадан 10 миллион евро шартли равишда тўланади. Яъни клуб жариманинг бу қисмини 2023, 2024 ва 2025 молиявий йиллари учун ҳисоботлар УEФА талабларига жавоб бермасагина тўлайди.

“Ювентус” А Серияда еттинчи ўринни эгаллади ва Конференциялар лигасида ўйнаши керак эди. Шу тариқа турнирда энди унинг ўрнига “Фиорентина” иштирок этиши керак.