Мадриднинг “Реал” клуби ҳимоячиси Дани Карвахаль “Барселона”га (0:3) қарши ўтказилган ўртоқлик учрашувига сарҳисоб қилди.
"Ҳар бир бўлимнинг дастлабки 15 дақиқасида "Барселона" яхшироқ ўйнади, биз ўйинга ўзимиз хоҳлагандек кира олмадик. Биз ҳаммасини яхши бажардик, энди янги тизимга мослашяпмиз. Дарвоза олдида муваффақиятга эриша олмадик, аммо гол уриш учун бор кучимиз билан ҳаракат қилдик. Охирги иккита гол ўтказиб юбормаслигимиз керак эди. Шунга қарамай, жамоа тўғри йўлда ва биз яхши натижаларга эришдик", - дея Карвахалнинг сўзларини келтиради клуб расмий сайти.
Навбатдаги ўртоқлик ўйинида “Барселона” 2 август куни “Милан”га қарши майдонга тушса, “Реал” 3 август куни “Ювентус”га қарши баҳс олиб боради.
