"Наполи" ҳужумчиси Ирвинг Лозано ёзда клубини ўзгартириши мумкин. Бу ҳақда Football Italia журналистлари хабар бермоқда.
Неапол клуби мексикалик футболчини келаси ёзда текинга бой бермаслик учун уни жорий трансфер ойнасида сотмоқчи. Лозано ва италян клуби ўртасидаги меҳнат шартномаси муддати 2024 йилнинг июн ойи охиригача ҳисобланган.
Аввалроқ матбуотда Ирвингнинг трансферига Американинг “Лос-Анжелес” клуби қизиқаётгани ҳақида хабарлар тарқалган эди.
Лозано ўтган мавсумда Италия чемпионатида 32 та ўйинда майдонга тушиб, 3 та гол ва 3 та голли узатмага муаллифлик қилган.
