"Бавария" ҳужумчи Садио Манени "Ан-Наср"га сотишга яқин турибди.

Сенегаллик футболчи Саудия клуби билан деярли келишиб олди, "Бавария" эса 31 ёшли футболчи билан хайрлашишга тайёрлигини маълум қилган. Бир неча кун аввал "Ан-Наср" Мане учун тахминан 37 миллион евро таклиф қилиши ҳақида хабар берилганди. T3 нашрининг янгиланган маълумотларига кўра, мюнхенликлар бу сотувдан бироз камроқ даромад олади - тахминан 30 миллион евро.

Эслатиб ўтамиз, Садио Мане келаси мавсумда "Бавария"да қолишни режалаштирган, бироқ "Ан-Наср" билан музокара ўтказишга рози бўлган, чунки у бош мураббий Томас Тухелнинг режаларига киритилмаган.

Ўтган йили сенегаллик "Ливерпуль"дан "Бавария"га 32 миллион евро эвазига ўтган эди.