"Пахтакор" бош директори Дмитрий Адисман "Спорт24" мухбири Владислав Шапиро билан суҳбатда 19 ёшли вингер Аббосбек Файзуллаевнинг ЦСКАга ўтганини маълум қилди.
"Файзуллаев жамоа билан хайрлашиб, Москвага жўнаб кетди, у аллақачон тиббий кўрикдан ўтиши ва ЦСКАга ўтиш учун бошқа жараёнлардан ўтиши керак. "Ҳарбийлар" клубидан футболчининг трансфери бўйича расмий ҳужжатларни олганимиз йўқ, бироқ яқин вақт ичида улар расмий ҳужжатларни расмийлаштиришади ва Аббосбекнинг “Пахтакор”дан Россия жамоасига ўтганини расман эълон қилиш мумкин бўлади" - деди Адисман.
Жорий мавсумда 19 ёшли Аббосбек Файзуллаев “Пахтакор” сафида 6та ўйинда майдонга тушиб, 2та гол урди ва 1та голли узатмани амалга оширди. Унинг ҳисобида Ўзбекистон терма жамоаси сафида 3 та ўйин ва 1 та гол бор.
