"Ливерпуль" ҳимоячиси Виржил ван Дейк жамоа сардори этиб сайлангани ҳақида фикр билдирди.
“Бу кун мен, рафиқам, фарзандларим ва бутун оилам билан фахрланадиган кун. Бу ўзгача туйғу ва мен буни ҳозир тасвирлаб беролмайман. Лекин бу мен жуда фахрланадиган нарсадир.
Мен Нидерландия терма жамоаси сардориман ва бу аллақачон мен учун катта шараф, ғурур бўлган. "Ливерпуль" сардори бўлиш таърифлаб бўлмайдиган туйғудир. Мен қўлимдан келганини қиламан”, - деди ван Дейк клуб матбуот хизматига.
"Ливерпуль" 2023/2024 йилги мавсумдаги илк ўйинини 13 август куни Лондонда "Челси"га қарши ўтказади.
