"Манчестер Юнайтед" ҳимоячиси Люк Шоу Хосеп Гвардиола бошчилигидаги "Манчестер Сити"ни ўтган мавсумда қўлга киритган требли ҳақида гапирди.
"Бу жуда оғриқли эди. Буни кўриш биз учун жуда қийин эди. Биз "Манчестер Сити"га яна буни қилишига имкон бера олмаймиз. "Манчестер Юнайтед" ўзини кўрсатиши ва осонликча ғалаба қозонишига йўл қўймаслиги керак. Жамоа сифатида биз энди буни қабул қила олмаймиз" - деди ҳимоячи BBC Sport билан суҳбатда.
Эслатиб ўтамиз, ўтган мавсумда "Манчестер Сити" Хосеп Гвардиола бошчилигида АПЛ, Англия кубоги ва Чемпионлар лигасида ғолиб чиққан эди. "Манчестер Юнайтед" эса ўз навбатида АПЛнинг бронза медали соҳибига айланди.
